جريده الجمهوريه بتاريخ 1 يناير لاعوام 2002-2003-----2009

جائتني فكره وانا اقرا جريده الجمهوريه اليوم من علي النت ... اني اقرا الاخبار القديمه من تاريخ 2002 ... واستذكرت ايامي في تلك السنه ...قرات في مجال الكوره .. فوجدت اخبار فاااتت .. واصبحت ماضي .. لكنها كوره وليست اخبار تخص المجتمع وخصوصا الشباب ..

أشرقت شمس ..2002 تحمل بشائر سنة حلوة يامصر.. ننطلق فيها تحت قيادة الزعيم القائد.. الرئيس حسني مبارك الذي يقود المسيرة الوطنية.. السياسية والاقتصادية بإجماع شعبي هائل وعظيم.. بعد أن امتلأت قلوب الملايين من أبناء الشعب بالحب والثقة في القائد الحكيم.. والزعيم المخلص لقضايا مصر والأمة العربية.. والرئيس الأمين علي مصالح الشعب كله.. المنحاز للجماهير العريضة من محدودي الدخل.
==================================================================
أت مصر بقيادة الرئيس حسني مبارك العام الجديد 2003 بالعمل الجاد والتفاؤل بتحقيق النهضة الكبري في كل المجالات.. شهد يوم أمس وحده افتتاح 6 مشروعات لمصانع الأسمنت والبوتاجاز والكيماويات ومحطة للركاب في السويس.. وأكد د.عاطف عبيد رئيس الوزراء اهتمام الحكومة بتنمية المناطق الفقيرة والعشوائية وتنفيذ مشروع صناديق التنمية بالقري والأحياء الشعبية للمدن.. أعلن دعم المستثمرين الجادين والمتعثرين معاً.
===================================================================
تستقبل مصر وشعبها اليوم العام الجديد بكل الأمل والتفاؤل والخير.
الدكتور عاطف عبيد رئيس الوزراء أكد أن الحكومة ملتزمة بتحقيق مطالب المواطنين مشيرا إلي أن التوسع في النشاط الاقتصادي أمر حتمي.
أضاف د. عبيد خلال اجتماعه بالهيئة البرلمانية لمحافظة أسيوط أن تكليفات الرئيس حسني مبارك للحكومة تتضمن أن يكون العقد القادم عقد محافظات الصعيد مؤكدا أن اللقاءات مع نواب الشعب من أساسيات العمل السياسي
=============================================================

وجه الرئيس حسني مبارك تهنئة إلي الشعب المصري بمناسبة بدء العام الجديد. معرباً عن أمله أن يكون عاماً سعيداً يحمل للوطن والمواطنين مزيداً من الخير والتقدم والازدهار.
قال الرئيس مبارك في تصريحات خاصة ل سمير رجب: بهذه المناسبة أتمني أن يتحسن الاقتصاد المصري هذا العام. وأن ترتفع نسبة النمو من 5.4 في المائة إلي 5% وأكثر. وأن يتضاعف تصدير منتجاتنا إلي الخارج. ويزداد حجم الاستثمارات لإقامة مزيد من المشروعات التي تعود بالخير علي الوطن والمواطن.. وأولها إيجاد فرص عمل للشباب.
=================================================================
دت الحكومة الجديدة برئاسة الدكتور أحمد نظيف اليمين الدستورية أمام الرئيس حسني مبارك أمس ثم اجتمع الرئيس بالحكومة وأكد خلال الاجتماع أننا نريد عملاً متواصلاً علي أعلي مستوي يواجه تحديات المرحلة القادمة ويحقق الطموحات والآمال العديدة.
أكد الرئيس مبارك ضرورة أن يشعر المواطن بتحسن حقيقي في حياته اليومية وأوضاعه المعيشية.

================================================================== يجري حالياً تنفيذ أول محطة للطاقة الشمسية بالكريمات شمال الصعيد ضمن 4 مشروعات رائدة وتبلغ طاقة المحطة 50 ألف كيلو وات. قال د.حسن يونس وزير الكهرباء إن المشروع يتم تنفيذه بالتعاون مع مرفق البيئة العالمي الذي قدم لمصر منحة 50 مليون دولار وبنك اليابان للتعاون بمنحة 97 مليون دولار. ================================================================== يجري حالياً تنفيذ أول محطة للطاقة الشمسية بالكريمات شمال الصعيد ضمن 4 مشروعات رائدة وتبلغ طاقة المحطة 50 ألف كيلو وات. قال د.حسن يونس وزير الكهرباء إن المشروع يتم تنفيذه بالتعاون مع مرفق البيئة العالمي الذي قدم لمصر منحة 50 مليون دولار وبنك اليابان للتعاون بمنحة 97 مليون دولار. ============================================================== أكد المهندس رشيد محمد رشيد وزير التجارة والصناعة أن حماية محدودي الدخل وتحقيق حياة كريمة للمواطنين علي رأس أولويات واهتمامات الرئيس حسني مبارك وأن سياسات الحكومة في هذا الجانب تعكس توجيهات الرئيس حيث بدأت الحكومة تنفيذ مجموعة سياسات اقتصادية لزيادة معدلات النمو وتنفيذ مظلة الحماية الاجتماعية =============================================================== تكشفت حقائق اغتيال البطل الشهيد الرائد ياسر عيسوي في رفح.. التعليمات الصادرة من قادة حماس لمنفذي الجريمة كانت تستهدف إشاعة الفوضي علي الحدود لتسهيل اختراقها حتي يمكن للفلسطينيين اقتحام الحدود المصرية. كلفت قيادة حماس المجموعة الغادرة باقتحام النقطة الحدودية التي يقوم بتأمينها الرائد ياسر عيسوي.. وبالفعل قفز مجموعة من الملثمين علي الحاجز الحدودي وهم يخفون سلاحهم.. وعندما واجههم الشهيد البطل دون سلاح رفضوا التوقف وعندما اقتربوا منه طلب منهم تسليم أنفسهم.. فلم يكن منهم إلا إطلاق النار فوراً عليه فأصابته طلقتان مباشرتان في قلبه وأصيب الجنديان المرافقان له. طلقات الغدر والخيانة التي أطلقتها مجموعة حماس علي البطل الشهيد بدم بارد وغادر لم تحقق هدفها في إشاعة الفوضي بسبب سرعة التحرك الهادئ المصري ووضع المصلحة العليا فوق كل اعتبار.. وبالفعل هرب الجناة من حيث أتوا واستشهد الرائد عيسو =================================================================== في انتظار باقي الاعوام .. اذا كان في العمر بقيه

تم التراجع

تراجعت مصلحه الضرائب عن نواياها في التحصيل .. 

مفيش حاجه اسمها تحصيل باثر رجعي 

ولا فين فواتيرك وملفاتك من 2005 .. 

طيب سؤال ؟؟ هو لازم في كل حاجه اضراب عشان المطالب تتنفذ؟؟ فما بالك بان المطالب دي حق...

بس الحمد لله ... وهنشوف هيتفقوا علي ايه في التحصيل الجديد لعام 2009 لان عام 2008 تبع الاتفاقيه اللي لم تلغي ...

الغاء الاتفاقيه الموقعه بين الصيادله ومصلحه الضرائب

تم الغاء الاتفاق المبرم بين مصلحه الضرائب وبين الصيادله .. من طرف واحد ... 

رئيس مصلحه الضرائب تم تغييره .. وزير الماليه ثابت لم يتغير والاتفاقيه تغيرت ..

الاتفاقيه القديمه. كانت بتنص علي ايه .. عشان الناس تعرف الظلم اللي هيبقي موجود علي الصيادله ...

كل سنه يتم تقديم اقرار ضريبي عن الصيدليه ... ودا كان بيتم علي اكمل وجه .. كل عام يتم تحصيل حوالي 250 مليون جنيه سنويا .. وان الصيادله من اكثر الاشخاص التزاما بالدفع الضريبي كل عام .. 

تم التغيير والغاء الاتفاقيه .. من طرف مصلحه الضرائب فقط ... 

د المنشور كان يتم توزيعه من النقابات الفرعيه 

انا اول مقرات المشور مفهمتش بالظبط يعني ايه اللي ممكن يحصل .. او ايه اللي هما عايزينه او ايه المخاطر .. 

المخاطر كلها انهم عايزين كل صيدليه تدفع ضرائب باثر رجعي عن سنه 2005 حتي سنه 2008 طيب امال الاقرار الضريبي اللي بيتسلم سنويا دا كان بيتعمل ليه . كان بيتعمل علي اساس اتفاقيه اللي كانت بتنص ان الصيدليات مشروعات صغيره لا تعامل معامله المشروعات الكبيره..

دلوقتي قالك لا ... الصيدليات اللي تزيد راس مالها عن 50 الف جنيه .. وحجم تعاملتها 250 الف جنيه ..وارباحها السنويه لا تقل عن 20 الف جنيه .. (( السنويه ... يعني كل شهر اقل من الفين جنيه )) تعتبر منشات اقتصاديه كبيره .. ويتم تطبيق القانون عليها .. 

ويتم تسليم دفاتر عن السنين دي كلها .. واللي مش هيسلم يعتبر متهرب ضريبيا .. ويتم محاسبته بالغرامه قد تصل الي 50 الف جنيه او الحبس ... 

انا مش فاهم بجد .. فاهمين يعني ايه تمسك دفاتر ... يعني كل صيدليه تطلع مثلا حبايه كيتوفان تبقي فاتوره مختومه وتحفظ في الصيدليه .. 

يعني لو عملنا حسبه بسيطه كدا .. كل يوم بيخش الصيدليه تقريبا 100 فرد .. يعني في اليوم 100 فاتوره بيع .. في الشهر 3000 فاتوره بيع ..

في السنه .. 3000 * 12 = 36000 فاتوره بيع .. دا كلام يخش العقل والمنطق يصدقه .. دي طبعا فواتير بيع فقط ولسه فواتير الشراء ..

وطبعا انا لما اجيب كهربائي او سباك او اي عامل ويعملي شغل في صيدليتي .. هيديني هو فاتوره احطها جنب فواتير المشتريات يقيمه التصليح اللي عمله ؟؟ !! 

بالتالي كان لازم النقابه تدخل .. وبالفعل تم عمل جمعيه عموميه يوم الجمعه في القاهره في دار الحكمه بحضور اكثر من 5000 صيدلي من مختلف المحافظات .. واتفقم ان يوم الاتنين هيكون اضراب عام لجميع الصيدليه .. احتجاجا علي القرار . وتم تشكيل لجان من النقابات عشان تتابع الاضراب ويكون منظم بين جميع الصيدليات مع ابقاء بعض الصيدليات الحيويه مفتوحه للمرضي ..

انهردا صباحا الاقي صيدليه جنب صيدليتي علطول .. فاتحه .. والاضراب انهردا .. هل لسه في ناس كدا .. مش متخيل هو حجم المشكله .. ولا وااخدها فتونه هو ... تم الابلاغ عنه فعلا وهي دلوقتي مقفوله ...

بالامس وفد من النقابه كان في مصلحه الضرائب .. والمفاجئه .. تم طردهم من المصلحه . . . منتهي الاهانه ..

في انتظار الجديد من المصلحه ... 

يازمالك .... امته هترجع تاني

يازمالك .. 

من وانا صغير ... وانا كنت بحب الزمالك.. وبقول لفسي ان الزمالك احسن فريق في مصر ..

لكن يوم بعد يوم ... مش عارف ايه اللي بيحصل .. كل يوم الزمالك بيرجع لورا .. كل يوم بيتاخر .. ايه اللي ناقص لفرقه الزمالك . عشان يبقي فريق قوي والكل يعمله حساب .. ودا المفروض انه يحصل .. ان الكوره في مصر يعين اهلي وزمالك .. وطبعا باقي الفرق لها كيانها لكن الكوره يعني اهلي وزمالك ...

طيب فين الزمالك .. 

ناقصك ايه يزمالك عشان ترجع زي زمان .. في فتره قلنا .. احنا الزملاكويه يعني ان الزمالك قاااااادم بالاعيبه الجامده اللي تعاقد معاها زي احمد مجدي وكريم ذكري في الدفاع وفتح الله و و و اسامي لاعيبه موجوده كويسه .. قلنا اتعاقدنا مع مدرب محترم هنري ميشيل مدري له كيانه .. قلنا في اداره مستقره .. طيب اللي ناقص للفريق عشان يبقي فريق قوي .. ايه اللي ناقصه ..

محدش عارف .. المشكله في الزمالك اني بحس ان محدش في الاعيبه عنده مسئوليه في نوع من الاستهتار .. وعدم المبالاه ...ليه كدا .

عشان حاسين انهم موظفين مثلا .. في اخر الشهر هياخدوا فلوسهم وخلاص جابوا بطولات ولا مجابوش الفلوس موجوده .. ولا عشان ايه ؟؟

حد يقولي ايه اللي ناقص للزمالك .. الزمالك خلي الواحد عنده لا مبالاه من اي متش يلعبه .. يعني انت لو سالت واحد قلتله انت بتنفعل والزمالك بيلعب وخسر .. هيقولك وايه يعني ..؟؟ !! انا عن نفسي هعمل كدا .. اصل بكون متوقع .. عادي يعني وايه المشكله .. 

فعلا دي مهزله ان فريق بحجم الزمالك يوصل للدرجه دي .. يتهزم من الاوليمبي .. انا مش بقلل من الاوليميبي .. فريق كويس ويستحق التقدير علي مجهوده .. لكن اين هيبه الزمالك ... 

فعلا طارق يحبي عنده حق في الكلمه اللي قالها لللاعيب بعد مباراه الاوليميبي انتوا اسوأ جيل في الزمالك وبيكوا الزمالك قد يصارع لعدم الهبوط .......

تخيلوا اد ايه الزمالك لورا ....

ومداخله جمال حمزه مع الغندور علي دريم .. ايه دا .. دي طريقه حوار ..يجمال.. في برنامج بيتذاع مباشره .. فعلا بيدل علي مدي الاستهتار والغرور اللي الاعيبه فيه  ... ليه كدا .. 

ودا الفيديو 

ربنا معاك يزمالك وربنا يستر .. منلاقيش الزمالك الموسم اللي جي الزمالك بيعلب مع الجونه والبلديه وسمنود 

مع احترامي لجميع الفرق .. 

توقيع .. عاشق الزمالك

لا تعليق .. من مصر ..

شاهد ولا تعليق





لا تعليق

المخدرات .. احمر اصفر زغلول ......

كل يوم بتتعلم .. كل يون بتقابل .. كل يوم بتعرف .. كل يوم بتحس ... ان  شعب مصر بخير ..

شعب مصر .. شعب مش لاقي شغل ولا شعب لاقي شغل .. انهي شعب .. مش عايز اظلم .. لان الظلم موجود ...لكن ..دي مشكله

مشكله عويصه  ( ) جدا ..

المشكله في المخدرات .. شعب بيحب يتخدر .. بيحب انه يلغي عقله .. العقل اللي ربنا ميز بيه الانشان عن اي حيوان اليف او مفترس .. بالعكس .. دا الحيوان بيكون افضل .. افضل من الانسان لما يلغي عقله بنفسه .. بايده .. ببرشام او بحقنه او بشمه ...

من تواجدي في الصيدليه يوميا .. بتعرض لمواقف كتير.تحس ان الناس  كلها بدور علي حاجه اسمها مخدرات ..
سبحان الله سبحان  الله ...

ليه كدا ...زي ميكون بنخترع الادويه بدل منسكن بيها الم واحد مريض مش قادر يستحمل الالم .. لا الناس بدور علي حبايه تعمل دماغ بيها..

فعلا لا حول ولا قوه الا بالله العلي العظيم .. يوميا .. اللي يعوز  الصنف الفولاني واللي يعمل قصده طويله عريضه عشان عايز الحاجه دي .. والمشكله انه بيكون مفقوس اوي..

الكارثه في ايه .. الكارثه.. ان في ناس بتاخد ادويه معينه ملهاش اي هلاقه خالص بالمخدرات .. الفكره انها بتعملهم دوخه شويه وهمدان في الجسم فيحسوا انهم اتخدروا.. صنف للمغص ...بياخدوه ... اضطريت اني امنه اساسا .. قلته احسن من تواجده ..

واحد دخل عليا .. عامل نظافه .. زبال يعني .. بيقولي عايز الصنف الفولاني بتاع المغص .. قلتله مش موجود قالي ال 10 ولا 20
ايه دا ؟.. دا عارف التركيزات .. بالملي دا راجل  مثقف بقي .. دا زبال مثقف .. بيدور علي المغص والم المعده .. هههههههه

ربنا يشفي جميع الناس .. يارب .. ويحمينا ويحمي اخواتنا  واولادنا من الزفت اللي اسمه شبح المخدرات .. وفي الاخر اقول ...

الحمد لله

والي  كبسوله اخري من كبسولات الصيدليه

قله زوء بعض الدكاتره...

العنوان اكيد لو حد قرأه وركز فيه هيعستغرب صح ..
الفكره كلها ان اي مهنه علي الارض في اللي بيمثلها بكل احترام وتقدير وفي اللي بيسيء ليها وبيمثلها اسوء امتثال ...

الواحد وهو في في الصيدليه يفوجيء بواحد كله زوء بيتكلم يجبرك انك تتعامل بكل احترام وتقدير معاه ..
وفي بعض الناس للاسف يجبروك انك متتعاملش خالص من اساسه ..
وللاسف وبكررها للاسف ..اغلبيتهم دكاتره .. اطباء بشريين..لكن في الاغلب بحبهم جدا وبيكون في علاقه طيبه معاهم سواء في التيفون او المعاملات المباشره...
لما دكتور يخش يقولي .. هاتلي امبول الفولاني وامبول الفولاني .. يالا بسرعه هههههه دا مريض نفسي .. هو داخل ايه ..حاجه غريبه والله فعلا ..

الي كل من يغتر بنفسه ... والي كل من يري انه الاعلي ... كلا في تخصصه ...
والتزم حدودك....


واللي يعيش ياما يشوف ... واللي يعيش في مكان اساسه التعامل مع البشر ... وما ادراك ما البشر.. هيشوف وهيشوف وهيشوف ...

والحمد لله ...

(((((((((( ارجو الدعء لوالدتي عن ظهر قلب ))))))))))

اين انت ...

بعد طول غياب عن الكتابه هنا ...

عدت الي الكتابه ... عدت وكلي احزان ... ليس اي احزان ... لكنها احزان الفراق ...

فراق من ...

فراق الاصدقاء ...

والانشغال في العمل ...

يا صديق ... اين انت .. ليس اي صديق ... ليس كل زميل صيق .. وليس كل صديق زميل. ..

صعب علي الانسان ... اكيد ..

اكيد مش هتقرا الموضوع ... ولو قراته .. هتعرف انا بكلم مين ..

ربنا يعينك في شغلك .. ويوفقك ...

اخوك
احمد

الدنيا كالتين الشوكي .من بره شوك ومن جوا حلوه !!!

انا عايز اضحك تسمحولي ههههههههههههههههه

اكيد هتقولوا انت بتضحك علي ايه ....قولنا واحنا نضحك معاك ...

هقولكوا بس صبركوا عليا شويه ...

الحياه وردي وردي .. ههههه .. بس شعور ماليني دلوقتي ومسيطر عليا ... ممكن حد يقول عليا انت مستعجل ليه .. بكره هتبقي وردي اكتر واكتر واكتر دي هتطرح بستان فل وياسمين ...

الفكره كلها اني زمان يعني مش من زمان اوي .. ( واكيد الناس كلها مرت بالمرحله دي دا الطبيعي ) اني زمان كان كل تفكيري اني اذاكر عشان انجح ... اني انزل الحق سكشن او كورس او حتي محا ضره ( بس دا نادرا ) دلوقتي حاسس بفراغ .. فراغ مش اني مش لاقي اعمل ايه .. لا اكيد هعمل هههههه هعمل كوبايه شاي اصلي مصدع هههههه

الواحد كان في الكليه كل محد يقابله يقوله انت في في كليه ايه .. (( ايام بقي لما كتا في الكليه .. )) اقوله انا في صيدله .. يقولي يراجل ما شاء الله دنت هتلعب بالفلوس لعب .. انت تخلص ونفتحلك صيدليه وتشتغل في شركه و و و ناقص يقولي انت هنملكك شركه ادويه تديرها وتعمل فيها كل اللي انت عايزه ..

كانت الحياه وردي وردي فعلا ... انما بقي حصل SHOCK مش بالمعني المتعارف عليه .. انا حتي مش عارف ايه المعني المتعارف عليه دا ههههه لكن انا قصدي شوك الواقع .. الحياه العمليه ....

عرفت دلوقتي او لسه بعرف او ابتديت او اي حاجه توصل المعلومه ان الحياه العمليه حاجه والحياه الدراسيه حاجه

اول امبارح لقيت تليفون البيت بيرن ... قمت ارد عليه لقيته رقم من طنطا ... قلت هيبقي مين يعني .. عادي
لقيت واحده بترد عليا تقولي ... د احمد معايا .. قلتلها ايوه يفندم قالتلي شركه نوفارتس مع حضرتك وان شاء الله في انترفيو بكره الساعه 12 ونص في طنطا في المكتب .. ركزوا معايا الساعه كام 12.30
طبعا انا طرت من الفرحه .. دي نوفارتس يجماعه ... من اكبر الشركات العالميه ... واللي ميعرفهاش دي اللي بتصنع فولتارين اشهر مسكن في مصر بعد المسكن الشعبي اللي هيودينا في داهيه كيتوفان ...

طبعا انا تاني يوم صحيت بدري بقي من الساعه 9 عشان كنت عايز اظبط السي في مكنتش عامله كويس .. واحط صوره وشغل بقي يباشا هو انا رايح في اي حته انا رايح نوفارتس يجماعه ....
المهم

روحت الشركه الساعه 12 بالتمام والكمال .. لقيت تقريبا حوالي 70 او 50 واحد من الدفعه معانا هناك كلهم انترفيهوات انهرده ... يوميها يعني
الساعه جت 2 ولسه مدخلتش
جت 3
4
5
6
معتش الا انا واتنين كمان زمايلي ... اذ اني افوجيء ان APPLICATION بتاعتي مدخلتش لل دكتور اللي هيعمل معايا انترفيو ..
يا سبحان الله
6 سعات وانا قاعد وانا مش عارف اني لازم ادخل الاول السكرتاريه اقولها اني شرفت هنا ... اتفضلي دخلي الاستماره ..

بالذمه دا اسمه كلام .. طيب كان في ناس كتير بيتنادي عليها يعني هما جم وعدوا علي السكرتاريه ومكانوش موجودين .. يبقي زهقم صح ..


الصبر مفتاح الفرج ...

استنوا ... محدش يمشي ... الموضوع سهل وصعب كبير وصغير حد فاهم حاجه.. اذا كنت انا مش فاهم

المهم دخلت للدكتور وطبعا هو بيعمل انترفيوهات من الساعه 11 علي الاقل ..

اول مدخلت ... قالي كلمني علي نفسك ..

اتكلمت عن نفسي ... يعني الاسم والسن اشتغلت فين قبل كدا ادربت فين قبل كدا وهكذا ...

الباشا يقاطعني وقولي ...

ايه اكتر حاجه بتعملك MOTIVATION ف حياتك .. يعني ايه اكتر حاجه بتبسطك ...
ممممم
شويه وايه اكتر حاجه بتزعلك ...

وشويه تانيه .. ايه اكتر حاجه عملتها وفرحت عشانها ... انا مش فاهم ايه طبيعه الاسئله ..

اكيد عارف انه عيز يعرف شخصيه اللي قدامه .. انما انا بقالي 8 سعات من غير اي حاجه اشربها ولا اكولها الا يدوبك كوبايه شاي والجو حر دا غير الانتظار دا ملل بجد ... منتظر مني ايه ... انا مش عارف .. طيب يترا لو واحد دخل اول موصل اوبعدها بساعه هيكون زي اللي دخل بعدها ب 6 سعات ...

المهم طبعا النتيجه بتبان علي وشه .. واكيد انا كنت ACCEPTED ههههههههه اصله مش انترفيو واحد لالالالالا دا 3 وفي FINAL
الموضوع معقد يجماعه ...

الموضوع دا بجد حسسني ان مفيش حاجه سهله ...

كنت راكب انهرده مع سواق تاكسي لاني كنت عايز اعمل قيد عائلي ... عشان الجيش ... قالي تشبيه حلو اوي ..

الدنيا دي عامله زي التين الشوكي ... من برده تشوكك انما من جوه طعمها جميل بالتقوي والخوف من ربنا وطاعته ...

بجد تشبيه عجبني جدا ..

المهم .. دي مش نهايه المطاف ... اكيد في مطاف تاني وتالت ولا ياس مع الحياه ولا حياه مع الياس ههههههههههه

عرفتوا بقي انا بضحك ليه .... طيب مش حاجه تضحك ...

الحمد لله .....

وان شاء الله كل محس ان الحياه وردي سواء وردي اللي بالي او وردي اللي في بالي برده ههههه هكتب واقول ....

خلصنا تعليم وانزل اشتغل يباشا مش انت دكتور .......

الحمد لله

في موضوع تاني علي تخليص ورق الجيش... دا موال تاني .... انهرده كانت اول خطو ومكملتشي اكيد ... عيب .. هو انا هخلص القيد في يوم واحد .. كان في ورقه ناقصه كان لازم ارجعلها البيت ... قلت للموظفه هو بيطله في اد ايه قالتلي في خلال اسبوعين ...

قلت خلاص مش هترفق يوم ولا يومين ولا 3 ولا 4 هههههههههه

والله حاجه تضحك بجد ......

والي الجيش يوم بيوم ... بس لما ابتدي فيه .... لان هحس بقي ان الحياه بني في اسمر هههههههههه

ادعوا معي ... لكل متوفي

توفي بالامس زميل لي ... اسلام عميره ... طالب في الفرقه الرابعه في صيدله طنطا ...

ندعوا لو بالرحمه والمغفره ولاهله بالصبر ...

ربنا يرحمه ... يريت يجماعه ندعيله كلنا ......

ربنا يرحمه ويغفرله ذنوبه ويجعل قبره روضه من رياض الجنه .. ياااارب...

ربنا يرحمه

احتجاجات في كفر الشيخ...بسبب المحافظ

دلوقتي في كفر الشيخ ... استمرار للمظاهرات ..

الناس عملوا مظاهره .. وقفه احتجاجيه ... بسبب الدقيق والعيش .المحافظ مش عايز يديهم دقيق علي التموين .. الناس احتجت وخاصه اهالي البرلس .. اللي عددهم تقريبا 80 الف مواطن .. وكلهم صيادين .. يعني لازم الدقيق عشان العيش لانهم بيخبزوه. وكالعاده الامن تدخل بعنف وقسوه ...

دي مجموعه صور .. من القاهره اليوم







الحمد لله

ايمن نور .. شفاك الله وعافاك..

قرات اليوم في المصري اليوم ... خبر يقول




إصابة أيمن نور بتسمم داخل السجن ومحاميه يقدم بلاغاً للنائب العام


الحقيقه الخبر استوقفني .. اعتقد اوقات كتير سمعنا ان ايمن نور مصاب في السجن .. او تدهورت حالته الصحيه .. لانه مريض بالسكر والضغط ..
لكن الخبر دا .. جعلني استعيد ذكريات الحمله الانتخابيه ... انا حافظ عندي بعض الاخبار البسيطه عن ايمن نور من 2005 .. الانتخابات الرئاسيه في هذا العام ..
اخرجت السي دي وقرأت..لاني حضرت كذا مؤتمر له.. فبجد ... شفاك الله الله وعافاك..
ويارب في اقرب وقت نشوفك بره السجن .

ايمن نور في سطور

الأسم : أيمن عبد العزيز نور أسم الشهرة : الدكتور أيمن نور الوالد ومهنته : عبد العزيز نور..محامي و كان عضوا منتخبا في مجلس الشعب اكثر من مرة منذ بدايات الخمسينات و حتى نهاية السبعينات الوالدة : دكتوراه في اللغة الفرنسية واحدة من ابرز قيادات العمل الاجتماعي بالمنصورة و ابنة محمد محمود حسنين محافظ الدقهلية في بدايات الستينات قامت بتأسيس جمعية خيرية بالمنصورة الحالة الإجتماعية : متزوج من السيدة جميلة إسماعيل خريجة إعلام القاهرة والدها المهندس إسماعيل وكيل أول وزارة السياحة والدتها الدكتورة فريدة عرمان و عملت مذيعة بالتليفزيون المصري بالقناة الأولى…و صحفية و عضو نقابة الصحفيين كما تعمل مديرة لمكتب مجلة النيوزويك بالقاهرة منذ تخرجها عام 1986 و هي نائبة رئيس مجلس إدارة جمعية نور الخيرية في باب الشعرية و الموسكي وءكرتير عام مساع حزب الغد ورئيس اللجنة الإعلامية بالحزب الأولاد : نور ولد عام 1990 شادي ولد عام 1993 تاريخ الميلاد : تاريخ الميلاد الرسمي 10 أكتوبر 1964 محل الميلاد : المنصورة التعليم : الإبتدائى بمدرسة كلية انصر بالإسكندرية و مدرسة الأمريكان بالمنصورة حصل على دبلومة في القانون الدولي ثم ماجستير في فلسفة التاريخ السياسي ثم الدكتوراه من الأكاديمية العليا للعلوم معهد العالم العربي قسم التاريخ بدرجة امتياز و موضوع الرسالة "الحركة الإسلامية في مصر بين عامين 1980 إلى 1990 الحياة العملية : عمل صحفيا هاويا فترات الدراسة.. ثم صحفيا محترفا منذ صدور الأعدادالأولى من جريدة الوفد عام1984وكان رئيسا لتحرير جريدة الوفد. و ظل يكتب لأكثر من17عاما عموده "يوميات صحفي مشاغب" والآن يشغل منصب رئيس مجلس إدارة ورئيس تحرير جريدة الغد تم انتخابه رئيسا للجنة شباب الوفد بالقاهرة ثم سكرتيرا عاما للوفدبالقاهرة.. ثم سكرتيرا للهيئة الوفدية العليا.. ثم عضوا بالهيئة العليا للحزب و نائبا لزعيم المعارضةفي مجلس الشعب.. حصل عام1999على جائزة افضل أداء برلماني لدول شرق البحر الأبيض المتوسط ، أسس حزب الغد عام 2004 وأنتخب رئيساً له انتخب اكثر من مرة عضو بمجلس أمناء المنظمة المصرية لحقوق الإنسان و عضو باللجنة العربية الشعبية لدعم الانتفاضة و مقرها دمشق و رئيسا لجمعية نور الخيرية بوسط القاهرة منذ 1994 و حتى الآن عضوا منتخبا بالعديد من المنظمات المهتمة بحقوق الإنسان و مواجهة الفساد و مؤسس اللجنة المصرية البرلمانية لمقاطعة البضائع الإسرائيلية و عضوا مشاركا في الكثير من الجمعيات الأهلية و التطوعية بالقاهرة والمنصورة.. انتخب في ديسمبر 1995 كأصغر نائب في مجلس الشعب المصري عن دائرة باب الشعرية و الموسكي بوسط القاهرة..و أعيد انتخابه في نوفمبر عام 2000-2005 عن نفس الدائرة التي تعد من اكثر الدوائر الشعبية و الجماهيرية في مصر ازدحاما.. يكتب عدة مقالات أسبوعية في بعض الصحف القومية والمستقلة و الحزبية مثل مجلة أكتوبر و جريدة الأحرار-عدد الأحد و جريدة الميدان و هو أيضا أحد مؤسسي جريدة الحرية و كان مديرا إقليميا لتحرير عدة صحف عربية و دولية مثل الحياة "لندن" الدولية "باريس" جريدة المدينة "جدة" الفجر الجديد "الكويت" و مراسلا للإذاعة الفرنسية بالقاهرة أهم الإنجازات : حصل على افضل أداء برلماني مصري و عربي و تم اختياره كأفضل نائب في دول البحر الأبيض المتوسط.. و حصل على عدة جوائز محلية و دولية في هذا المجالتلقت مكاتبه "13 مكتب"اكثر من 27 ألف طلب و خدمة و أنجزت في بعض القطاعات بنسبة 95 فى المائه تم تجميل ميدان باب الشعرية و إقامة تمثال ابن باب الشعرية الفنان محمد عبد الوهاب و بالجهود الذاتيةتم الاهتمام بالبعد "الثقافي و الشبابي" من خلال أنشطة مركز نور للنشاط الشبابي الذي قدم عشرات الندوات و الحفلات و الرحلات مجانا للشبابتم الاهتمام بالمشاكل المحلية مثل مشكلة الباعة الجائلين في الموسكي التي تقدم بأكثر من طلب إحاطة للحكومة بشأنهم كذلك مشاكل صناعة الأحذية و الجلودله عشرات القوانين التي صدرت منذ عام 1995 حتى 2001تقدم بمشروع البرلمان العربي للبرلمانيين الشبان و وافق عليه الاتحاد البرلماني العربي في دورته عام 2001 حصل على اكثر من ثلث أصوات مجلس الشعب عندما تقدم للترشيح لموقع وكيل المجلس عام 2000-2001 ، 161 صوتافي سابقة برلمانية لم تحدث من قبلترك حزب الوفد في مارس 2001 بعد وفاة زعيم الوفد فؤاد سراج الدين اثر خلافات سياسية مع رئيس الحزب الجديد و وسط أزمة سياسية كبيرةالاهتمام بالبعد "الاجتماعي " من خلال الدور الذي لعبته جمعية نور الخيرية من خلال ما قدمته من مساعدات اجتماعية شهرية طول خمسة سنوات مضت فضلا عن جهودها الموسميةتم البدء في إنشاء النادي الثقافي و الاجتماعي و المكتبة و مركز الكمبيوتر لشباب باب الشعرية و الموسكي بميدان باب الشعرية الأرض المثلثة و بتكلفة تصل إلى مليون جنيه و بالجهود الذاتية و بدا بالفعل العمل في المرحلة الأولى من المشروع بمعرفة شركة المقاولون العتم ترميم و تجميل مدرسة خليل أغا بالجهود الذاتيةتم فتح و بدء ترميم مسجد الدشطوشي بعد إغلاقه لسنوات و سيفتح قريبا إن شاء اللهتم إقرار مشروع قانون نفق ميدان باب الشعرية المقدم منه و الذي سيتم بدء العمل فيه عام 2001 بتكلفة 4 مليون جنيهتم الاهتمام بالبعد :الطبي و الإنساني" من خلال مستشفى نور "المجاني" الذي قدم العلاج مجانا و الدواء أيضا لآلاف الحالات التي استقبلتها المستشفىالاهتمام بالبعد "البيئي" من خلال مشروعات النظافة التطوعية( اعد مشروع برنامج حزب سياسي جديد ( تحت التأسيسله عدد كبير من الأبحاث و المؤلفات و الكتب منها : الحرية السياسية في الإسلام .. الليبرالية هي الحل .. العسكري الأسود زكي بدر … يوميات صحفي مشاغب … أزمة الخليج اغتيالالكويت …. من قتل سليمان خاطر … و غيرها ===================================================== يمكنك تحميل البرنامج الانتخابي للاطلاع عليه فقط .. ( معتش له لزمه )) للدكتور ايمن نور من هنا .... وبعدين ابقي قولي رايك ... زي الافلام العربي ... يبقي الوضع كما هو عليه (( من فيلم الواد محروس بتاع الوزير )) ودلوقتي جه ميعا د النطق بالحكم اليوم / الاحد. تم الحكم علي وصيف الرئيس محمد حسني مبارك في انتخابات الرئاسه يوم 7/9/2005 بالسجن لمده خمس سنوات. ولكن هناك انتقادات عديده من ذلك الحكم باعتباره انتقام سياسي من الدرجه الاولي لان ايمن نور قد تعدي الخطوط الحمراء في فتره الانتخابات وكشف العديد من مساوء النظام الحالي...

اصلك هتعمل ايه ؟؟

جه في بالي اكتب ..
ومش عارف اكتب ايه ..
عايز اكتب..
عايز اعمل حاجات كتير ..
بس مش عارف اعمل ايه
عايز اذاكر واخلص
بس مش عارف اعمل ايه
ولما ذاكرت
مش عارف مجبتش تقدير ليه
قالولي في الثانويه ذاكر
فذاكرت وبعد ماذاكرت
مش عارف هعمل ايه
هخلص الكليه
طيب حد يقولي هعمل ايه
هشتغل زي الناس مبتشغل
طيب وبعد مشتغل هعمل ايه
واحد يقولي انت بتكتب ايه
دا شعر دا ولا ايه
هقوله طيب وانا اعرف منين
اديني بكتب والي يقرا هيفهم
اني مخنوق ومفيش حاجه اعملها
غير اني اكتب
طب واللي بيقرا هيعمل ايه
هو كمان زيي مش لاقي حاجه
يعملها
وكلنا نعمل ايه !!!!!!
قالوا نمد قانون الطواريء
يترا حد فينا موافق ؟؟
اكيد محدش
بس هنعمل ايه ؟؟
حاسس ان الدنيا ظلمه
في دي هقولك تعمل ايه
قيد زرار الكهرباء
بس خلي بالك
الفاتوره هتجيلك غاليه
وهتدفع يعني هتدفع
اصلك هتعمل ايه
مش عايز الكهربا..
قيد أي شمعه بالجاز ..
بس خلي بالك الجاز غلي
اصلك هتعمل ايه
مقدمكش الا الكهربا
يابلدي بتكهرب
الميا بندفعلها مرتين
مره من الحنفيه ومره
من اللي بنشربها ..
اصل الميه نظيفه
وانت هتعمل ايه
مفيش حاجه في ايدك ولا في ايدي
واحنا كلنا هنعمل ايه
الحياه حلوه
والميه حلوه
والكهربا حلوه
والمواصلات حلوه
والشوارع حلوه
والخدمات حلوه
وكل كل حاجه حلوه
عرفت بقي
اننا مش عارفين نعمل ايه
هنوفرلك ايه تاني
عشان انت عايز تعمل وتعمل
مهو المشكله ان محدش حاسس بيك
وحاسس بمشاكلك
دلوقتي في ناس
مليونيرات وناس
محوشه خمسه جنيه
اصل احنا هنعمل ايه
غير نكتب ونقول
يعالم يا هو
قولوا معانا بصوت عالي
الحمد لله علي كل شيء
علي السراء والضراء
ويامستقبل متجيش
خليك هناك
اصلي لو شايفك
زي المواصلات
والكهربا و و و
هقولك خليك
انا كدا كدا جيلك
وهقولك يارب تبقي شيء
احبه ويحبني
وهرجع وهقول
اصلي هعمل ايه
غير الكتابه واصرخ
واقول بصوت عالي
ياااااااااااااااااااااااارب
الحمد لله
الحمد لله
الحمد لله

طواريء من 1981 الي 2010 يا سلام !!!

بسم الله الرحمن الرحيم ...

امبارح .. جالي تليفون  .. صديق ليا .. بيراجع معايا  بعض النقاط عن الامتحان التالي لي ...
بيقول ليا ... مش تقول مبروك .. قلتله علي ايه ... انا قلت بقي الامتحان اتلغي .. اتسرب .... اي حاجه في حدود المكالمه ... اذ هو يقولي تم تمديد قانون الطواريء سنتيتن حتي 2010 ان شاء الله ...
طيب يجماعه مستغربين ليه ... القانون دا مطبق من امته ... القانون دا  موجود بصفه متواصله من سنه 1981 منذ اغتيال السادات ..
الغريب والمستفذ في الموضوع هو استمراريه القانون ... انما القانون كان موجود قبل كدا .. بتاريخ مصر  كان موجود وبيتلغي ثم يرجع تاني ويتلغي ... علي حسب حاله البلد من حرب وخلافه .. ودا تاريخ قانون الطواريء في مصر


أعلنت حالة الطوارىء فى نوفمبر 1914 خلال الاحتلال الانجليزى حتى عام 1922 - ثم من أول سبتمبر 1939 حتى 7 اكتوبر 1945 - ثم من مايو 1948 حتى 28 ابريل 1950 مع استمرارها جزئيا ولمدة سنه قابله للتجديد فى المناطق الحدوديه فى محافظه سيناء والبحرالاحمر (حرب 1948 ) - ثم أعلنت عقب قيام ثورة 23 يوليو فى 26 يناير سنة 1952 حريق القاهرة وإلغيت بالقانون رقم 270 لسنة 1956 فى 20/6/1956 - وقام العدوان الثلاثى على مصر وأعلنت الاحكام العرفيه فى 1 / 11 /1956 بالقرار الجمهورى رقم 329 لسنة 1956- وأستمرت حاله الطوارىء بعد الوحدة بين مصر وسوريا 1958 بالقرار بقانون 1174 لسنة 1958وتنتهى فى 3/24/ 64 19- ثم أعلنت حالة الطوارىء فى 5 يونيو 1967 حتى 14 / 5/ 1980 - ثم أعلنت فى 6 اكتوبر سنة 1981 عقب اغتيال السادات ثم مدت لمدة عاما أخر ثم صدرالقرار387 لسنه 1983 بمد حاله الطوارىء لمدة سنة ثم القرار 366 لسنة 1984 فى 27 سبتمبر 1984 بمد حالة الطوارىء من 6/10/ 1984 حتى اخر أبريل1986 - ثم صدر القرار 167
لسنة 1986 بمد حالة الطوارىء لمدة ثلاث سنوات اخرى تنتهى فى اخر أبريل 1988 - ثم صدر القرار 116 لسنة 1988 بمد حالة الطوارىء من أول مايو سنة 1988 حتى 31/ 5 / 1991 - ثم صدر القرار 183 لسنة 1991 بمد حالة الطوارىء اعتباراً من أول نوفمبر 1991 حتى 31/ 5 / 1994 و أستمرت هذه الدائرة حتى يومنا هذا

لو لاحظتوا تاريخ القانون  كان موجود مثلا في حرب فلسطين ..عقب قيام الثوره ...العدوان الثلاثي...
ممكن تكون ان لم تكن اسباب منطقيه لتمرير قانون الطواريء...انما الان ايه الاسباب المنطقيه اللي تخلي القانون يتمدد من سنه 81 19 الي سنه 2010 ...
سالوا مفيد شهاب في المصري اليوم .. وكان رده كالتالي

قال الدكتور مفيد شهاب، وزير الشؤون القانونية والمجالس النيابية، إقرار مد حالة الطوارئ، لمدة عامين آخرين تنتهي في ٣١ مايو ٢٠١٠، أو لحين الانتهاء من إعداد قانون مكافحة الإرهاب، أيهما أقرب، هدفه توفير قدر أوفر من الوقت لدراسة قانون يحقق التوازن بين الحفاظ علي حقوق المواطن وأمن وسلامة الوطن.

وأضاف، خلال ندوة نادي روتاري الزمالك برئاسة الدكتور محمد الأسود مساء أمس الأول، أن الإنسان لا يتمني العيش في ظل قانون الطوارئ، لكن بيقولوا: «إيه اللي رماك علي المر، قال اللي أمر منه»، فإذا كان قانون الطوارئ مراً، فالأمر منه هو تهديد أمن واستقرار المجتمع.

وتابع: «لو عرفتم حجم الجرائم التخريبية التي تم إجهاضها قبل حدوثها، وعدد التنظيمات المتصلة بالخارج، خصوصاً تنظيم القاعدة، لقلتم: «الحمد لله إن قانون الطوارئ موجود»، مشيراً إلي أنه لم يتم الإعلان عن هذه الجرائم منعاً للشوشرة علي سمعة مصر، وحتي لا يقال إن مصر غير مستقرة.

واستطرد: «لا أستطيع أن أعيش دون قانون إرهاب أو طوارئ، ولو لشهر واحد، لأن وقوع أي عملية إرهابية «توديني في داهية»، وتضيع اقتصاد البلد كله، خصوصاً أن الواقع يؤكد وجود اضطرابات وتدخلات أمنية هنا، وقوي لا تريد لهذا المجتمع أن يستقر، بخلاف وقوع مصر بين عدد من الدول التي تعاني اضطرابات مثل فلسطين، والعراق، والسودان، والصومال».

وقال إن متطلبات أمن المجتمع تقتضي أن استأذنك لانتقاص جزء بسيط من حريتك، بهدف حماية المجتمع الذي لن يتقدم إلا إذا توافرت له عوامل الأمن والاستقرار، مؤكداً أن مد الطوارئ لا يهدف إلي التنكيل بالمواطنين أو المعارضين، أو تكميم الأفواه ـ كما يدعي البعض.

وأضاف: «هو فيه حد بيفتح بقه زي عندنا.. وشوفوا الصحف والفضائيات، فلو طبقنا قانون الطوارئ علي غير الإرهابيين أو تجار المخدرات لأغلقنا العديد من الصحف».

وحول أسباب عدم الانتهاء من إعداد قانون الإرهاب، قال شهاب: «كنا خلاص أوشكنا علي الانتهاء من القانون، إلا أننا اختلفنا حول بعض النقاط، ووجدنا نقاطاً أخري تحتاج إلي دراسة أكثر وتعمق، حتي لا نضطر لإعادة تعديل بعض مواد القانون بعد إقراره كما حدث في بعض الدول الكبري».

انا مش عارف ايه دا .. طيب لو الكلام دا مظبوط .. اقل حاجه جت في بالي .. لو فعلا تم  ظبط العديد من الجرائم كما قال

وتابع: «لو عرفتم حجم الجرائم التخريبية التي تم إجهاضها قبل حدوثها، وعدد التنظيمات المتصلة بالخارج، خصوصاً تنظيم القاعدة، لقلتم: «الحمد لله إن قانون الطوارئ موجود»، مشيراً إلي أنه لم يتم الإعلان عن هذه الجرائم منعاً للشوشرة علي سمعة مصر، وحتي لا يقال إن مصر غير مستقرة.

علي الاقل .. ابسط حاجه ... في ظل الاحتقان اللي موجود في ظل تمديد القانون ... الاعلام يحسس الناس ان القانون دا  اجهض عمليه فولانيه .. وتم ظبط متفجرات فولانيه ... او علي الاقل .. في ظل القانون ... يترا تجار المخدرات قلم ..؟؟ علي ما اعتقد انهم زادوا !!!

اخر نقطه ... اين وعد الرئيس ... بالغاء قانون الطواريء .. واستبداله بقانون الاهاب... علي 2010 هيكون الفتره الرئاسيه خلصت .. ولو قعلا قانون الارهاب فاضلوا كام شهر علي ما يخلص ويتظبط ويتلمع ويتفصل .. كانوا مددوا الطواريء 6 شهور .. او سنه .. انما مش  سنتين ..... ولا كله كلام في كلام ...
----------------------------------------------
هناك تغطيه ممتازه .. من مدونه  عمرو سلامه مدونه لسه عايش http://lesa-3aish.blogspot.com/

اذاعه القران الكريم مباشره من السعوديه

بسم الله الرحمن الرحيم ...

الجديد في المدونه ... اضافه اذاعه القرأن الكريم من السعوديه مباشره ...
الاذاعه لا تحتاج الي سرعه عاليه كما في الفيديو لانها بتشتغل علي سرعه قليله جدا لحد 16 كيلو بايت
الراديو موجود في الشمال تحت لوجو قناه المدونه ... كما في الصوره


يمكنك ان توقف الردايو كما بالشكل كليك يمين .. وstop


وجزاكم الله خيرا ... ادعوا لي بالتوفيق

مجموعه صور من الاقصر واسوان group 1

بسم الله الرحمن الرحيم ..

مجموعه صور رااائعه من الاقصر واسوان .. كنت في رحله في شهر مارس .. الحقيقه مش كلها تصويري لكن تصوير صديق ليا كنا في الرحله<<<

( هي مجموعه كبيره .. هقسمها اجزاء ان شاء الله )

اترككم مع الصور ..

تجربه انشاء قناه تليفزيونيه تبث من جهازي ...وليكن القاهره اليوم

بسم الله الرحمن الرحيم ...

القناه الخاصه بالمدونه ترحب بكم

اهلا بكم في القناه الخاصه بالمدونه.
http://halitro7.blogspot.com/

فكرت اني ابث قناه تليفزيونيه من علي جهازي علي المدونه وتكون خاصه بقناه معينه او برنامج معين..
اعتفد ان افضل برنامج ممكن ازيعه يوميا هو برنامج القاهره اليوم ...
فا ايه رايكوا في الفكره دي ...
لو نالت اعجابكوا هكمل الفكره .. وهحط الفيديو في جسم المدونه واكيد هقلل ال bandwidth عشان الكل بعرف يشوف القناه كويس..
اكيد لازم النت يكون عندكوا سرعه لا تقل عن 512 ,ومتعملشي دون لود او شيرنج اثناء المشاهده ...
منتظر ارائكوا ..والبث جاهز بس لما اعرف ايه رايكوا في الموضوع...
وجزاكم الله خيرا جميعا
----------------------------------------
----------------------------------------
البوست دا كا ن بتارخ 13/5/2008 وانا لاحظت اقبال معقول علي الفكره ..
عشان كدا تم تصميم لوجو خاص بقناه المدونه ...ان شاء الله يعجبكم
والاهم
القناه تعجبكوا باذن الله ... لكن في ملحوظه صغيره ..القناه انا مش بشغلها 24 ساعه او حتي 12 ساعه او حتي 8 سعات اكيد هتقولوا امال هتشغلها سعتين بس ...
الاجابه : هو فعلا كدا حوالي كل يوم في وقت القاهره اليوم هشغل القناه .. لاني ببثها من الجهاز عندي والموضوع ده بيعمل upload
جامد اوي ... فالناس اللي معايا هتقتلني ... يرضيكوا !!! اني اتقتل >>>>>

تعرف تتكلم مع نفسك...انا بكلم نفسي هنا....!!!

انهرده كام في الشهر ... ؟؟؟

انهرده 12 من شهر مايو ... يعني فاضل اد ايه ؟؟

هتسالوني فاضل اد ايه علي ايه بس هتحيرنا معاك ليه ؟؟

هقولكوا فاضل اد ايه علي امتحاناتي ..

ياااا هو انت لسه بتمتحن ... يراجل دا احنا بنحسبك مخلص وكبير كدا ادنا

مممممممم ليه الاحراج ده بس يجماعه..انا والله في اخر سنه .. يعني خلاص كلها خطوه او خويطه (( تصغير خطوه مش عارف صح ولا غلط )) والواحد هيتخرج بقي ويبقي دكتور ..

ايه دا يا ابو حميد انت هتبقي دكتور ..

اه منا في صيدله يعم الحج ... بص بالمعني الاصح هبقي دكتور صيدلي...

طيب يعم ومالك مبسوط كده ليه

هههههههه لا انا مش مبسوط انا الحمد لله حققت اللي كنت عايزه يعني من تعليم ..

يعني انت كده كل ده طموحك انك تاخد الشهاده وخلاص ..

اكيد لا مش ده طموحي وبس ... اكيد طموحي اكبر من كده انما طموحي مش في التعليم .. اني اكمل تعليمي يعني ... اصلي بيني وبينك بذاكر بالزق ..يعني بخلص السنه واقول الحمد لله انتهت ... عايزني انا اكمل مذاكره .. وقال ايه احضر ماجيستير او دبلومه او اي حاجه من اللي بيعملوها في الكليه دي وبشوفهم شغالين فيها....لا يعم انا هخلص وهقول احمدك ياااارب انتهي التعليم بعد 22 سنه ...

انت بتتعلم من 22 سنه ..

ايه يعم انتن السؤال الذكي ده .... اكيد 22 سنه احسبها ... 5 ابتدائي ( اصلي نظام قديم .. ) 3 اعدادي .. 3 ثانوي ...5 كليه..
يبقي كام كده بقي... احسب انت اصلي عايز انام

اه عندك حق ..يبقوا 22 سنه ... طيب انت ناوي تعمل ايه .. بعد متخلص ..

لا انا هقولك حاجه انا ناول اعمل حاجات كتير اووووي...بس دلوقتي انا ناوي اذاكر الاول عشان الامتحانات قربت ..

انت هتمتحن امته ..

انا همتحن الساعه ...ساعه ايه بس .. شكلي خلاص نمت ... انا همتحن يوم 19 في الشهر ده .. يعني فاضل سبعه ايام ..
ربنا يستر ان شاء الله والامتحانات تنتهي علي خير...والواحد يفوق بقي..

يعم انت محسسني انك في سجن وبتاع ..

مين قالك يحج اني في سجن ... بس مذاكره بقي ..

انت عارف اللي مخلصين بيقولوا لبعضهم ايه ..يبختت اللي بيدرس...اهو مش وراه حاجه الا المذاكره ..

ايوه يخويا منا بسمع الكلام ده كتير من اصحابي المخلصين...بس بصراحه كده بيني وبينك ومتقولشي لحد ... مش مقتنع .. ومسيري في يوم هقتنع يعني متقلقشي والايام بيننا ..

طيب هسالك كام سؤال كدا تجاوبني عليهم ...

اتفضل انا انهرده تحت امرك في جميع الاسئله ..اسال وانا اجاوب...

بس ننتظر .... فاصل ونـــــــــواصل..


==================

احم احم... معاك ..

اتفضل ..انا سامعك كويس..

كنت عايز اسالك كان سؤال كده ..انت رايك ايه في البلد ... يعني تعتقد انك ممكن بعد متخلص انك تشتغل وتحقق ذاتك زي منت عايز..

اعتقد ان الاجابه صعبه اووي.الوضع كل يوم بيتغير والاسعار من يوم ليوم بترتفع الاضعاف...انا مش عارف..
بس اكيد لو الانسان له هدف... والهدف ده خير..يعني مثلا الجواز... اكيد ربنا هيقف جنبه ويساعده

اكيد كلامك صح ميه في الميه..

ومتنساش اني اخد بالاسباب طبعا..

اكيد ...

طيب كلمنا شويه عن امتحاناتك .. موادك .. كدا يعني ..

اه انت جيت علي الجرح ههههههه
بص يسيدي.. انا ورايا امتحانات كتير اوووي ...
اناعندي في التيرم ده 8 مواد.... مواد من طب..اصل اما صيدله اكلينيكيه .. طبعا هتسالني ايه اكلينيكيه دي ..
هقولك يعني بندرس حاجات من طب بجانب صيدله ... للافاده يعني.. بس في الشغل..هههه ان شاء الله هتفيد
المهم ال 8 مواد دول ..
اول ماده تصميم ادويه او drug design الماده دي بقي .. يساتر يارب..عباره عن كذا ماده في بعض ..
لا وايه اللي بيدرسهالنا دكتور ما شاء الله عليه ... بدون ذكر اسماء احنا علي الهوا دلوفتي..
الماده دي اول ماده همتحنها .. انا سايبلها حوالي 10 ايام مذاكره..

يااااا دا كتير اووي يا دكتور ..

ههههههه بتقولي يدكتور .... ماشي يسيدي ههههه بس انا دلوقي senior pharmacist يعني فاضلي زلطه ... واطلع برده
بس بيني وبينك مش كتير والله ..دول يدوبك الواحد يلحق يخلص الكلاكيع دي اللي احنا بنذاكرها...

طيب وباقي المواد انا ملاحظ انك عمال تتكلم علي الماده دي كتير اوي.. قولي الباقي..

هقولك يسييدي...تاني ماده ..عندنا اسمها رعايه صحيه او .health care الماده دي كويسه بتفيدنا والواحد ممكن يحس انها بتفيده في حياته وفي شغله ومن الممواد برده اللي تحس انها بتفيدنا .. تفاعلات ادويه .. drug interction اكيد هتفيدنا كتير ..
وفي كلينكال.. زي منا قلتلك من طب ومن صيدله برده .. وفي معلومات دوائيه ..( ماده نصها كده ملهاش لزمه والنص التاني يعني تفيد شويه...)) كدا كام ماده..

والله يدكتور انا تعبت من العد ورااك.. كفاااااايه ربنا يعينك


هههههههه ماشي يحج ...

طيب اقولك الي لقاء اخر...واسيبك تقوم تكمل مذاكره ...

والله انت نورتنا انهرده .. ومكنتش ضيف تقيل خااالص هههههه خلتني اخرج من جوايا اللي متخزن للتصميم والكلينكال..
بس عادي يعني ...في اي وقت تعوز تيجي تكلمني وندردش مع بعض انا تحت امرك ..

ماشي يدكتور احمد .... الي لقاء اخر . وشد حيلك في المذاكره انا سعت ان اول ماده دي صعبه اوي هههههههه

ربنا يخليك يجميل .... يلا تصبح علي خير.. او صباح الخير برحتك يعني ...

السلام عيليكم ....

وعليكم السلام ورحمه الله وبركاته
==============

الي لقاء اخر وحوار مع النفس....

لبنان.....علي وشك حرب اهليه..ان لم تكن بداتها ...حمل تعليق من القاهره اليوم

مقال من المصري اليوم

تجددت الاشتباكات أمس بين أنصار الأكثرية النيابية اللبنانية بقيادة تيار المستقبل، وأنصار المعارضة بقيادة حزب الله في بيروت والبقاع وشمال لبنان، مما أسفر عن سقوط ١١ قتيلا وإصابة ٣٨ آخرين، بعد حالة مؤقتة من الهدوء الحذر في العاصمة، حيث فرض الجيش اللبناني سيطرة غير كاملة عليها.

من جانبه، أكد رئيس الوزراء اللبناني فؤاد السنيورة، في خطاب وجهه إلي اللبنانيين أمس، أن الحكومة «لن تتراجع حتي لو ذهب حزب الله في استخدام السلاح إلي أبعد مما أقدم عليه».

واعتبر السنيورة أن «حزب الله وأعوانه نفذوا طعنة مسممة بحق بيروت، مستبيحا منازلها»، وطالب السنيورة الجيش اللبناني بـ«ردع المسلحين وإخراجهم من الشوارع فورا وإزالة الاعتصام» من وسط بيروت.

جاء ذلك في الوقت الذي انتقدت فيه دول العالم والمنظمات العالمية حزب الله، وحملته مسؤولية إثارة العنف. وأعلن مسؤول أمريكي كبير أن واشنطن تعد لمناقشات دولية كثيفة حول الوضع اللبناني بشأن اتخاذ إجراءات لـ«محاسبة» حزب الله والمسؤولين عن أعمال العنف الأخيرة التي شهدها لبنان.

وطالبت مصر بسحب فوري للمسلحين من الشوارع
====================================================

دا خبر قراته في المصري اليوم ... خبر في مضمونه مش كبير انما اثر فيا اووي....
ايام حرب لبنان واسرائيل كنت متابعها يوم بيوم .. مكنتش بفكر مين الشيعي ومين السني .. الحرب بين مسلمين وصهاينه .. كنت متحفز جدا لمعرفه الاخبار والتطورات ..

دلوقتي بصراحه انا تايهه.. مش عارف مين اللي علي حق ومين اللي علي باطل ... حزب الله ام السنيوره..

مش عارف

انا كنت اشاهد القاهره اليوم وسجلت جزء بسيط من الوضع في لبنان ...

حمل منا هناا

مصر هي امي ...طيب وبعدين !!

بسم الله الرحمن الرحيم ...

مصر ام الدنيا....مصر هي امي

يترا حد يقدر يشكك في الجمل دي ..

اكيد محدش يقدر يقول ان مصر مش اجمل بلد في الارض ... وطنيتنا وحبنا لبلدنا اكبر من اي خلاف..او نزاع ..

مصر مليئه بالخيرات .. مصر مليئه بشعب طيب ...

امال ايه المشكله في الوضع الحالي... البعض ممكن ينظر للسؤال بوضع استهجان ..انت ازاي تسال السؤال ده... انا بسال السؤال لاني عارف الاجابه انما بتكلم بصوت عالي ...
مش هقولكوا اني مثلا متجوز وورايا مسئوليات .. وحاسس ان الدنيا ظلمه قدامي... لا الحمد لله اكيد اللي اكبر مني عايشين في البلد وحامدين ربنا علي كل شيء واهي ماشيه...
انما انا مخنوق مدايق .. من حاجات كتير اوووي ..

يترا العيب فينا ولا العيب فحد تاني ... يترا بدايه الصح اننا نلوم نفسنا ولا نلوم النظام (( مش قصدي نظام الحكم لا قصدي اي نظاه بيحكمنا في حياتنا اليوميه ))

في ايه المشكله ...

بدايه من التعليم ... انا مثلا هتكلم في مجالي ... الصيدله ... انا جبت مجموع في الثانويه العامه يدخلني طب مثلا ..بس فضلت صيدله لاسباب كتير .. اني مثلا مش بحب المذاكره الكتييره... واسباب تاينه ..

المهم دخلت صيدله .. كنت متصور بقي اني هبقي دكتور صيدلي ما شاء الله .. الواحد يجدعن كده وييكتشفله دواء ولا دوايين حاجه كده بقي يا ارض اتهزي ما عليكي قدي ((( مش غرور والله انما طموح للافضل والاحسن ))

دخلت الكليه في اول سنه .. افوجيء بالمعامله .. قال ايه ..انتوا لسه ولاد امبارح كنتوا في ثانويه
مش هتفرق كتير
اللي هيفرق التعليم ..

بنتعلم حاجات كتير اووي من صناعه لرقابه دوائيه ..(( للعلم اانا في البكاوريوس يعني كلها شهرونص بالظبط وانزل سوق العمل عشان كده الاحساس بالخنقه مالكني ))
انا لو جيت قدم السي في بتاعي في اي شركه بناخد دورات تدريبيه تانيه .. كاننا متعلمناش اي حاجه ...
طيب اذا فين التعليم اللي اتعلمناه ... مش عارف اعتقد ان الموضوع ده موجود في مجالات كتير اووي ...
ان التعليم حاجه والشغل حاجه ...

طيب والحل يجماعه ايه ... الحل اننا نتكلم هنا في المدونات وخلاص ..؟ ولا ايه ,, انا مش عارف ..
( مجرد تعبير )
وكذلك في الدنيا كلها يمكن انا مخصص الموضوع لكليتي ودراستي ...
انما الوضع مؤسف اوي..
ازاي شباب بلد يبقي كل همهم ( وانا واحد منهم ) انه يخلص الكليه ويشوفله عقد سفر يشتغل بره بلده ...
دي كارثه يجماعه .. دلوقتي عشان الواحد يتجوز مينفعش يفضل في بلده ...يا سبحان الله
اكيد في ناس كتير زيي عندهم نفس الاحساس والشعور الغريب دا ... صح ؟
انا كل تفكيري دلوقتي في الشهر اللي جي ربنا يوفقني فيهم .. واحنا مع بعض يوم بيوم واسبوع باسبوع
والله الموفق .....

====================
البوست ده مجرد تفكير بصوت عالي ... عايزكم تسمعوني وتعرفوني ويريت تنصحوني اعمل ايه .. وانا مقبل علي ايام بمبي بمبي بمبي
البوست بالعاميه .. لاني بحب اتكلم بالعاميه...

ومنتظركم
صيدلي الغد !
====================